العنوسة للشباب (بنات / اولاد)

يسعدني كثير اني أطل عليكم بعد غياب دام ودام ودام..
ولكـــن .. للحياة مفاجأت .. يمكن تبعدنا ويمكن تقربنا ..

في فتره غيابي صارت أحداث كثيره لي ولغيري وللعالم ككل

لكن الشيء الغريب هو الحاصل في ردات فعل البنات والشباب على الزواج

مرت علي حالات زواج كثير من صاحباتي ومعارفي ولكن أسرع من البرق أسمع بخبر الطلاق .. والشي الغريب أنها تكون مبسوطه بطلاقها وهو نفس الشي

ثاني حاجه: الشيء الأغرب والأغرب انو كثير وأتعب وأنا أقول كثير
في بنات كثير حاطه في بالها فكرة عنوسه من قرارة نفسها مو من أحد
أنا معنسه للأبد ليش ياخذني أحد مايستاهلني يمكن
وليش أشقي نفسي.. مع واحد ممكن مايكون مثل ماأبي وألخ من الطموحات اللي نقدر نقول عن غالبيتها أنها طموحات مسلسليه لاأكثر ولا أقل..

وبرضو الطرف الثاني لايخلون..
طلبات الشباب صارت كثيره الفتره الأخيره..لكن اللي تبين من استبيان صغير
ان طلبات الزواج ماكانت برغبه منهم بالعكس الغالبيه قالت أنو من ضغط الأهل وخاصه الأم..
وغير العذر هذا كثير قالوا شغله براسنا بس بنطلعها وفي نفس الوقت نستقر على الأقل نطلع قدام الناس بمظهر الرجال الكفو اللي قدر يكون عائله..

طيب سؤال بس

نقدر نعتبر الشي هذا نفاق أو خداع نفس ؟؟

أنا من وجهة نظر لا عوانس ولا شباب مجبرين على الزواج
مفروض كل لواحد بقناعاته فاااا ليش الواحد يجامل على حساب نفسه
وحساب حياته وراح يظلم نفسه ويظلم ناس حوالينه..

طرحت القضيه عشان الكل يعبر عن رأيه
والكل يقول ايش الأعذار هذي
هل هي ترف زايد من البنات بحيث أنها عايشه في بيت أهلها معززه مكرمه فاا مايكون عندها استعداد أنها تتقبل أي نمط غيره نمطها ؟؟

أو هل الشاب يكون مترف لدرجة أنه ممكن يرضخ للضغوط العائليه اللي راح تتسبب بظلم له ولها وعلى أساس سويت اللي تبغاه أمي خلاص أرجع لحياتي الطبيعيه والترف والوناسه اللي انا كنت عايشهم..

تحيـــــــاتي للجميع وأرجو المشاركه بصدق وبقناعه ضميريه تامه
__________________

ارجو المناقشة فى نفس الصفحة ومن اعضاء مختلفين حتى نصل الى عدة اراء سواء مختلفين او متفقين
ولا ختلاف فى الراى لايفسد للود قضية